KEA styrkir Velferðarsjóð Eyjafjarðarsvæðisins

Á myndinni eru Kristín Björk Gunnarsdóttir, Halldór Jóhannsson og Kristbjörg Álfhildar Sigurðardóttir

Eins og undanfarin ár styrkir KEA jólaaðstoð Velferðarsjóðs Eyjafjarðarsvæðisins. Velferðarsjóðurinn er samstarfsverkefni Rauða krossins, Hjálpræðishersins, Hjálparstarfs kirkjunnar og Mæðrastyrksnefndar og veitir heimilum og fjölskyldum aðstoð fyrir jólin í formi gjafakorta í matvöruverslunum. Starfssvæði sjóðins er Eyjafjörður, frá Siglufirði til Grenivíkur. KEA hefur verið styrktaraðili sjóðsins frá upphafi.