Sumarskóli RES og SIT – Fimmtán nemendur frá Bandaríkjunum á Akureyri

Nemendur á vegum Sumarskóla RES og School for International Training(SIT) hafa verið á Íslandi frá 11. júní sl. Hópurinn samanstendur afnemendum frá ýmsum háskólum í Bandaríkjunum og sækja þeir allir sjövikna námskeið sem ber heitið "Renewable Energy, Technology, andResource Economics" auk þess sem þeir sækja námskeið í íslensku. Sjá meira á www.res.is

Námskeiðið hófst í Reykjavík þar sem nemendurnir umgengust forustumenn á sviði umhverfis og orkumála; þaðan var haldið yfir hálendið áleiðis til Akureyrar þar sem þeir sækja tíma og fara í margvíslegar skoðunarferðir. Námskeiðinu mun ljúka með tveggja vikna dvöl á Vestfjörðum.

Hópurinn hefur, á meðan dvöl þeirra á Akureyri stendur, dvalið hjá akureyrskum fjölskyldum. Ljóst er að þetta fyrirkomulag hefur gengið afar vel og auðgað dvöl nemendanna til muna.

RES Orkuskóli hefur skipulagt námskeiðið á Íslandi í samvinnu við SIT. Emily Ferry, starfsmaður RES hefur haft veg og vanda af skipulagningunni og hefur því unnið mikið með aðalskrifstofu SIT í Brattleboro í Vermont. Dvöl nemendanna á Vestfjörðum er unnin í samvinnu við Háskólasetrið á Ísafirði.

Á námskeiðinu hefur áhersla verið lögð á að kynna endurnýjanlega orkugjafa og tækni þeim tengdum fyrir nemendunum. Jafnframt er áhersla lögð á að nemandinn hafið skilning á félagslegum og pólitískum áhrifum orku-uppbyggingar á Íslandi. Að lokum er nemendum ætlað að gera tillögur að hagnýtingu þeirrar þekkingar sem þeir hafa aflað sér á meðan dvöl þeirra á Vestfjörðum stendur.